డ్రైవర్ లేకుండా రోడ్డు మీద సాఫీగా సాగిపోయే కారును ఊహించుకోండి. జేమ్స్బాండ్ సినిమాల్లో మాత్రమే సాధ్యమవుతుందనుకుంటున్నారా? గూగుల్ చేస్తున్న పరీక్షలు విజయవంతమయితే- అలాంటి కారు మరో ఐదేళ్లలో మన ముందుకు వచ్చేస్తుంది. ఈ ఏడాది ఈ ఇంటర్నెట్ కంపెనీ- పైరస్ అనే కారును ప్రయోగాత్మకంగా పరీక్షించింది.రాడార్ సెన్సర్లు, వీడియో కెమెరాలు, లేజర్ రేంజ్ ఫైండర్లు, గూగుల్ మ్యాప్ల సాఫ్ట్వేర్ను అమర్చిన ఈ కారు ఇప్పటికే దాదాపు 2.3 లక్షల కిలోమీటర్లు తిరిగింది. అది కూడా ఒక్కసారి కూడా యాక్సిడెంట్ కాకుండా. ఇప్పటి దాకా డ్రైవర్ లేని కార్లను అమెరికా రక్షణ శాఖ మాత్రమే పరీక్షిస్తోంది. గూగుల్ ప్రయత్నాలు ఫలిస్తే- ఈ కారును మార్కెట్లోకి ప్రవేశపెట్టే అవకాశముంది.
No comments:
Post a Comment