తెలివి గురించి ఎవరికెంత తెలుసో ఒకసారి మళ్లీ పరీక్షించుకుందాం. ఒక్కొక్క ప్రశ్నకు మూడు లేదా నాలుగు సమాధానాల చొప్పున చెప్పొచ్చు.1. మీ దృష్టిలో మీకు తెలివి ఎక్కువా తక్కువా?
అది మూడు విషయాల మీద ఆధారపడి ఉంటుంది.
నా పక్కనుండే మనుషులను బట్టి.
నేను మాట్లాడాల్సిన విషయాలను బట్టి.
నేను మౌనంగా ఉండగలిగిన అవకాశాలను బట్టి.
2. ఎక్కువనుకునే సందర్భాలు మీ జీవితంలో ఎప్పుడెప్పుడొచ్చాయి?
నా చుట్టూ ఉన్నవాళ్లు పొగిడినప్పుడు.
నా చుట్టూ ఉన్నవాళ్లు నా కంటే తెలివితక్కువవాళ్లని
నేను గ్రహించినప్పుడు.
నేను ఇతరులను మోసగించగలిగినప్పుడు.
ఆ ఇతరులు నా మోసాన్ని గ్రహించలేనప్పుడు.
3. తక్కువ అని జీవితంలో ఎప్పుడు అనుకున్నారు?
కోపంలో పరువు మర్యాదల విషయం మరిచిపోయినప్పుడు.
దాన్ని ఇతరులు అణకువకు చిహ్నంగా భావిస్తారనుకున్నప్పుడు.
ఒప్పుకోవడం వల్ల కొన్ని పనులు తప్పుతాయనుకున్నప్పుడు.
మరీ ముఖ్యంగా ప్రాణం దక్కుతుందనుకున్నప్పుడు.
4. తెలివికి ఖచ్చితమైన నిర్వచనం ఏదైనా ఉందా?
లేదు. ఉండడానికి అవకాశం లేదు.
అది ప్రాంతానికీ ప్రాంతానికి, సమాజానికీ సమాజానికి-
కాలానికీ కాలానికి, వృత్తికీ వృత్తికి-
వయస్సుకూ వయస్సుకు, మనిషికీ మనిషికి కూడా మారుతూ ఉంటే ఎవరైనా ఎలా నిర్వచిస్తారు?
5. ఇటీవల రాష్ట్రంలో జరిగిన రాజకీయ పరిణామాల మీద మీ అభిప్రాయమేమిటి?
వాటికీ తెలివికీ సంబంధమేమిటి?
No comments:
Post a Comment