ఇతను నిలబడింది సూపర్ మార్కెట్లో కాదు. అది అతని ఇల్లు. మీరు చూస్తున్నవన్నీ ఖాళీ బీరు క్యాన్లు. ఇంటి నిండా ఖాళీ సీసాలు ఎందుకు నింపుకున్నాడంటారా? పుర్రెకో బుద్ధి.. జిహ్వకో రుచి అన్నట్లు.. ఇది ఇతనికో హాబీ. 51 ఏళ్ల వయసున్న ఇతని పేరు నైక్ వెస్ట్. బ్రిటన్లో ఒక బ్యాంకు ఉద్యోగి. ఉత్తర సోమర్సెట్లోని క్లెవెండన్లో నివసిస్తున్నాడు.నైక్కు ఈ హాబీ 1975 క్రిస్మస్ నుంచి మొదలైంది. అప్పుడు అతని వయసు 16 సంవత్సరాలు. ఇతనికి కాబోయే భార్య డెబోర్ బీరు క్యాన్ల సేకరణకు సంబంధించిన ఒక పుస్తకాన్ని కానుకగా ఇచ్చింది. అంతేకాదు అతన్ని కూడా అలాగే క్యాన్లు సేకరించమని ప్రోత్సహించింది. అలా మొదలైన అలవాటుతో ఇప్పటి వరకు 6,788 బీరు సీసాలు సేకరించాడు. వీటన్నింటినీ అమర్చేందుకు అందమైన అరలను కూడా తయారు చేయించాడు. ఈ మధ్యే ఇల్లు సరిపోకపోవడంతో మరో కొత్త ఇంట్లోకి మారాడు ఈ బీర్ బలుడు.
No comments:
Post a Comment