ఒక్కసారి బ్రతికించు

పాపాలు పాపాలు ఘోరమైన నేరాలు అందుకు నరకంలో శిక్షలు శూలాల్తో పొడుస్తారు సలసలకాగే నూనెలో వేస్తారు ఱంపాలతో కోస్తారు చిత్రహింసలు పెడ్తారు ఏం వింటేనే భయంగా ఉందా అందుకే దేవుడి హుండీలో లక్షలూ కోట్లూ పోస్తున్నావా స్వాములు బాబాల చుట్టూ తిరుగుతున్నావా? నీకీ సత్యం తెలియలేదేమో? నరకంలో పెట్టే శిక్షలు కాలి బూడిదైన నీ దేహానికేమో నీ ఆత్మకు కాదేమో నీ ఆత్మ నాశనరహితమైనది గీతలో రెండవ అధ్యాయం చదవలేదా?? నైనం చిందన్తి శస్త్రాణి నైనం దహతి పావకః నచైనం క్లేదయన్త్యాపో నశోషయతి మారుతః పుణ్యాలు చేస్తే హాయిగా పొందవచ్చు స్వర్గ సౌఖ్యాలు మగచచ్చినాళ్ళయితే రంభాది అప్సరసంయోగాలు ఏమి పిచ్చి ఆలోచలు ఏమి మూడ విశ్వాసాలు నువ్వు చేసే పాపపుణ్యాల ఫలితం నువు బ్రతికివుండగానే అనుభవిస్తావేమో కొంచెం నిదానంగా ఆలోచించు భవితలో కలిగే పరిణామాలను ఊహించు ఊహూ! నీకు నమ్మకం లేదు నమ్మకం రాదు భయాందోళనా సమ్మిళితమైన భక్తితో నీపాపాలను ప్రక్షాళన చేసుకోవాలనుకుంటున్నావా? ఓ అనంత సృష్టికర్తా మానవాతీత అఖండ శక్తిదాయకా నేను చచ్చిపోయాక నా కట్టె కాల్చేలోపుగా ఒక్కసారి బ్రతికుంచు చచ్చాక అంతా శూన్యమేనని ఇది నా స్వానుభవమని ఈ నరకం స్వర్గం లేవని అభూతకల్పనలేనని పాపపుణ్యాల ఫలితాలు ఇక్కడే అనుభవిస్తామని ఈ సత్యాన్ని ఉద్ఘాటించి మళ్ళీ చచ్చిపోతా! - కాలనాథభట్ట వీరభద్ర శాస్త్రి